Adam me mangava te chelav mange sote
Me mangava te celav mange dvojke sitna.
O khelibe o dans saj te phena i nesto so specificirinola e romen ki celi lumija o sveto. But roma mangena te khelen te dansuinen. O Ademi mangela te kheljol shote mashala a i Ajsa vakeri dvojke sitno mangela te kheljel ko bijava.
Savo dans, savo khelibe, save ritmija mangena te khelen o roma pogotovo o dzuvlja ko bijava?
ajse mangela gilansko
bujanovacko rodava
me mangava hogosko
o hogosko horo telo vas.
Savo dans, khelibe tu rodeja keda dzaja ko bijav? Ustvari kotar o komentarija so sundzam saj te haljova savo dans isi e romen ki lumija ko sveto. Ako neko avela kotar i srbija srbsko mangela te kheljol ako nekoj i kotar o Kosovo togas rodelape telo vas. Kotar i Bugarija Bugarsko ja o roma ko khoranipa turska rodena saj cucekija te khelen. Znaci o roma i nesto specificno ekskluzivno ko dansia khelibe soske lende isilen hem but majbut ritmija, dansia ki celi lumija.
Ritmi tarabuka arapsko.
Odoleske so o roma tane frdime ko but thema drzave isile but baro meny izbor ko ritmija ko khelibe ko dansia. O Rom o Nuri selim so kerela buti sar muzikakoro sikavno uciteli isto predainola istorija geografija, a isto sar sundo romano muzicari ko bendi svarta safirer vakeri kaj ako samo dzaja ko balkan isi dosta but stilia ko ritmija hem dans.
Nuri-but romane stilija
Ako vakeraja sote masala ja dvojke sitno khelibe sar so vakerdza o Ademi hem i Ajsa na but manusa saj te haljovenamen, ama flamenco ako vakeraja verovatno saj te haljoven odoleske so o roma basavena odoja muzika ki spanija phenela o Nuri Selim.
Nuri Selim o flamenco romano
muzika flamenco.
Kotar o romano dans saj te vakeripe but vakti vreme ama Sar dikhena o svedzajna akate ko romano dans. Sinema prilika te sikavav e mariela, hem e linuse te khelen balkan dans, Ola phenena kaj sine lenge interesno, ritmicno, thaj radosno o romano dans.
Javer puti ako dzaja ko bijav soske te na le tuja disave svedzane amale ja amalinka te dikhen, thaj te sikljoven thaj te khelen o romano dans.
