*I KALI COKOLADA-KORISNO BASHO SRCE

 

I Kali cokolada pridobinela o dzuvlikano srce ko povishe nacijna.

O nevo istrazuvajne sikavgja deka o sredovecna hem o pophure romnja ki swedska

kola divea hana cokolade andre so isilen but jaglehidratija,

isilen po tikne shanse basho e srceskere problemija.

Povishe taro 30.000 dzuvlja ucestvingje ko istrazuvajne.

O romnja kola so hana ko prosek duj puti ki nedela kali cokolada,

isilen 32% potikno rizik basho srceskere problemija.

O romnja kola so hana trin puti ko masek isilen 26% potikno rizik.

Ama,o romnja kola so hana sekova dive cokolada,

nanelen zashtita ko sastipe soske vnesinena but kalorie kote so isi ki cokolada,

a na tari hrana e hranlivo sostojkendar.

O rezultatija palo nesave istrazuvajna,

sikavgje deka o sostojke tari kali cokolada shaj te pomozinen ko relaksirajne e srceskere arterie.

O istrazuvacija predupredinena te na preterinelpes ko hajba cokolade,

odova osobeno znacinela e amerikancenge.

O evropska cokolade isilen pobaro kolicestvo taro kakao,

taro okola ko SAD,

sar hem jaglehidratija kolaj korisna basho srce.

O APOSTOILKE OPASNO SASTIPASKE

 

Ki sporedba e uce shtiklencar o apostolke(papuce)dikhona but nevina.

Ama o posledno istrazibe sikavgja deka tane opasno e manusheskere sastipaske.

Sa po baro hem po baro broj manushen isilen problemija e sastipaja,

soske phiravena but cesto apostolke(japonke) ako ko prvo dikhibe izgledinena shukar,

shaj te keren bare problemija.

O ekspertija predupredinena deka o apostolke kerena te istegninenpes o muskujla e listongere,

so kerela te oven tut bare dukha,

a shaj te oven trajno problemija da.

Isto agaare ola kerena te dukhan tut te zglobija,

hem isi shansa te dobine artritis.

O problemi tano ko odova so o manusha na phirena normalno,

ola prilagodinenapes ko odova so phiravena ko pro,

hem phirena bangeste.Namesto te gazine ki peta,ko teko e phiribaskoro,

ola ikerenapes ki nadvoreshno strana e preskiri,

a odova shaj te kerel po bare trajno posledice.

Mashkaro odova soj akana ko trend,

hem ko bajagi udobnost,

kova so nudinena o apostolke ko prvo dikhibe,

o sovetija e strucno manushengere i deka na trebela te phiravenpes o apostolke but cesto.